श्री विठ्ठल आरती ३
ओवाळू ग माये विठ्ठल सबाह्य साजिरा । राईरखुमाबाई सत्यभामेच्या वरा ।। धृ ।।
कनकाचे पर्येळी उजळोनी आरती । रत्नदीपशोभा कैशा प्रकाशल्या ज्योती ।। ओवाळू ।। १ ।।
मंडित चतुर्भुज कानीं शोभत कुंडले । श्रीमुखाची शोभा पाहतां तेज फांकले ।। ओवाळू ।। २ ।।
वैजयंती माळ गळा शोभे स्यमंत । शङ्गचक्रगदापद्म आयुधे शोभत ।। ओवाळू ।। ३ ।।
सांवळा सुंदर जैसा कर्दळीचा गाभा । चरणीईंचीं नूपुरें वांक्या गाजती नभा ।। ओवाळू ।। ४ ।।
ओवाळीता मन माझें ठाकलें ठायी । समाधिस्थसमान तुकया लागला पायी ।। ओवाळू ।।५।।
